A cidade do condado é tradicionalmente Nottingham, a 52°57′17″N, 1°09′29″O, aínda que agora o concello ten a súa sede en West Bridgford (nun lugar que mira a Nottingham sobre o río Trent).
Os distritos de Nottinghamshire son Ashfield, Bassetlaw, Broxtowe, Gedling, Mansfield, Newark e Sherwood e Rushcliffe. A cidade de Nottingham formou parte administrativamente de Nottinghamshire entre 1974 e 1998, pero agora é unha autoridade unitaria, aínda que segue sendo parte do condado.
Nottinghamshire contén a casa ancestral do poeta Lord Byron, Newstead Abbey, que a vendeu en 1818. Agora é propiedade do Concello de Nottingham e está aberta ao público. No escudo do condado está representada a silueta de Robin Hood e na bandeira o lendario Carballo Maior (Major Oak) do bosque de Sherwood.
A cidade tradicional do condado, e o maior asentamento nos límites históricos e cerimoniais do condado, é Nottingham. A cidade agora é independente administrativamente, pero os suburbios como Arnold, Carlton, West Bridgford, Beeston e Stapleford aínda están dentro do condado administrativo e West Bridgford é agora a sede do consello do condado.
Flickr NottinghamArquivado 11 de marzo de 2007 en Wayback Machine. Arquivado. Blog colaborativo dos membros do Nottingham Flickr Group, que abarca tanto o condado como a cidade
