Shropshire

Shropshire
Instancia de condado cerimonial de Inglaterra
Localización  Situado en  Midlands do Oeste - West Midlands, Inglaterra, Reino Unido  Capital Shrewsbury  Comparte fronteira con Cheshire Herefordshire Powys Worcestershire (pt) Staffordshire (pt) Clwyd  Contén división administrativa Shropshire Telford and Wrekin  OpenStreetMap  Coordenadas 52°37′00″N 2°43′00″O
Cifras e dimensións  Poboación 506.737 (2020) 498.073 (2018)  Superficie    3.487,5894 km²
Códigos e identificadores OpenStreetMap 57511 Freebase /m/0dm0f NUTS UKG22
Fontes e ligazóns  Páxina WEB shropshire.gov.uk  Descrito pola fonte Dicionario Enciclopédico Granat "Q96361011 " Dicionario enciclopédico de escritorio "Q96359967 " Encyclopædia Britannica "1911 Encyclopædia Britannica/Shropshire (en) " Grande Enciclopedia Soviética (1926 - 1947) "Q105253861 "
Wikidata C:Commons

Shropshire /ˈʃrɒpˌʃə/ (abreviado Salop ou Shrops) é un dos corenta e sete condados de Inglaterra, Reino Unido, con capital en Shrewsbury.

Xeografía

Situado na rexión Midlands do Oeste limita ao norte con Cheshire, ao leste con Staffordshire, ao sur con Worcestershire e Herefordshire, e ao oeste e noroeste con Gales.

Ten unha superficie de 3 487 km² e, no ano 2018 unha poboación de 473 900 habitantes, polo que a súa densidade de poboación nese ano era de 136 hab./km².

Localizada na zona leste do condado áchase unha autoridade unitaria, Telford & Wrekin, onde se sitúa a súa vila máis grande, Telford. O resto do condado era unha autoridade de dous niveis dividida en cinco distritos, pero desde o 1 de abril de 2009 é unha autoridade unitaria tamén.

Shropshire está atravesado polo río Severn, que divide a rexión en dúas partes. A zona norte és un terreo chan e apto para os cultivos, mentraes que a zona sur é un terreo elevado, onde se encontra a Área de Destacada Beleza Natural dos outeiros de Shropshire.

Historia

Durante algúns séculos, o condado recibiu o nome oficial de "Salop", derivado do antigo nome da capital, "Salopesbiry". En 1888 estableceuse o consello do condado baixo o nome de "Consello do condado de Salop". Este nome non foi nunca popular e, en 1980, o consello renomeouse como "Consello do condado de Shropshire". Porén, o termo "Salopian", derivado de "Salop", aínda se usa para denominar algo que procede de Shropshire.

O 25 de xullo de 1995, Stephen P. Laurie, astrónomo da vila de Shropshire de Church Stretton, descubriu un asteroide ao que lle deu o nome (7603) Salopia, conmemorando o nome en latín do condado, Salopia.

Economía

A economía do condado baséase na agricultura e na gandaría. Elabórase un queixo azul que leva o nome do condado, Shropshire, pero foi creado na cidade de Inverness no norte de Escocia. Por iso, o seu nome serve soamente para asocialo cun condado rural.

A Clun Forest Sheep (ovella do bosque de Clun) é unha variedade de ovella do bosque cerca da vila de Clun, no suroeste de Shropshire. Foi introducida en Nova Escocia (Canadá) en 1970, e agora críase en toda América do Norte, e incluso en Hawai.

Ademais da agricultura e gandaría, tamén posúe industrias metalúrxicas. Este condado é a "capital xeolóxica" da Gran Bretaña, xa que todos os tipos de rochas que se encontran e no norte de Europa están presentes en Shropshire. Isto inclúe depósitos de carbón, cobre e chumbo. Ademais, o río Severn, que atravesa o condado, utilizouse como medio de transporte de mercadorías e servizos.

Galería de imaxes

• 
  Bandeira
• 
  Brown Clee Hill, o outeiro máis alto do Shropshire (540 m)
• 
  O río Severn
• 
  Ponte de ferro sobre o río
• 
  Praza da capital, Shrewsbury
• 
  Centro Comercial de Telford, a vila máis grande de Shropshire
• 
  O centro de Shrewsbury ten varios centros comerciais como Darwin, Pride Hill e Riverside
• 
  Os grandes almacénes Beatties abriron en 2004 no extrermo oeste do Centro Comercial de Telford

Véxase tamén

Outros artigos

• Tesouro de Shropshire

Ligazóns externas

• Shropshire na Encyclopaedia Britannica (1911).